Жетісу университетінде Ілияс Жансүгіровтің туғанына 130 жыл толуына
орай ақын мұрасын таныту мақсатында әзірленген «Ілияс әлемі» оқу-
танымдық сайты ашылды. Сайт «Ілиястану», «Өмірі», «Шығармашылығы»,
«Зерттеулер», «Медиа», «Жаңалықтар», «Біз туралы» сынды негізгі 7
бөлімнен тұрады. Танымдық портал білім алушылардың ой-өрісін кеңейтіп,
практикалық дағдыларын дамытып, ақпаратты неғұрлым құрылымды және
түсінікті түрде алуға мүмкіндік береді.
«Ақпарат ағынының күрт өсуіне және цифрлық технологиялардың
қарқынды дамуына байланысты жоғары оқу орындарының қызметінде білім
беру сайттарын қолдану рөлі артып келеді. Деректер мен мәліметтерді
цифрландыру бәсекеге қабілетті тұлғаның құзіреттілігін қалыптастыруда
маңызы зор» — дейді ілиястанушы Шара Кыяхметова.